Мәңгелек Без яшәгән һәм без яшәмәгән дөньялар

Бу сезон сериалларга шактый бай булды, әле Яңа елга кадәр стримингларга чыгасы яңа ымсындыргыч релизлар да бар. Бер-берсенә бөтенләй охшамаган, әмма шул охшамавы белән кызыклы 2 премьерага тукталып узыйк.

01.12.2021
Мәңгелек Мортыштамак авылы музее: «Бездә кирәксез әйбер юк»

«Татарстан» журналы музейлар турында күп язды. Әдәбият, тарих, сәнгать, нефть, техника өлкәсе – кайсыларында гына булмадык. Инде бу темага нокта куярбыз дигән идек. Тик Сарман районының Мортыштамак авылы музеен читләтеп узып булмады, чөнки бик үзенчәлекле ул.

29.11.2021
Мәңгелек Мәчетле Олы Елга

Берничә ел элек Лаеш районының Кече Елга авылы турында язган идек. Шулчак җирле халык Олы Елга авылын еш искә алды. Зур юл гына бүлеп торган бу ике авыл гомергә дус яшәгән. Югыйсә берсе Лаеш, икенчесе Балык Бистәсе районына карый. Һәм менә җай чыкты – ноябрьнең яңгырсыз бер көнендә Олы Елгага кузгалдык.

24.11.2021
Мәңгелек Чынбарлык турында – уйдырма дөньяда

Соңгы елларда мәгълүматны кабул итүнең иң кулай ысулларыннан берсе – подкастлар. Китапларны – укып, фильмнарны карап тормыйча гына, алар турында сөйләгән подкастлар аша ишетеп тә яшәп булганына инандыра безне бүгенге чынбарлык. Ә инде үзеңне үстерү, тәрбияләү, белем алу, технологияләрне үзләштерү, күңел ачу – болары хакында әйтеп торасы да юк. 15–20 яисә 30–60 минут бөкедә уздырган вакыт аралыгында, фатирны җыештырганда яки йөгерергә чыкканда, замана гурулары сиңа барысын да сөйләп бирәчәк.

17.11.2021
Мәңгелек Коткарылган 34 гомер

Үзенең 59 ел яшәү дәверендә ул яраткан Иделендә кешеләр батканын күп тапкырлар күргән. Барлыгы 34 кеше. Ул һәммәсен дә коткарган.

17.10.2021
Мәңгелек Утыр әле яннарыма, ял булыр җаннарыма…

Башта биредә обком дачалары булган. Бу аңлашыла да – урыны бик күркәм бит – урман, күл, саф һава, шәһәргә якын… Әмма узган гасырның 50 нче елларында язучы Гомәр Бәширов, Мәскәү янындагы Переделкинода каләмдәшләре янында булып кайтканнан соң, татар әдипләре өчен дә Казан янында шундый иҗат итү урыны булдыру идеясе белән яна башлый. Һәм менә 1953 елда «Аккош күле» иҗат йорты төзү турында карар кабул ителә. Өлкә комитеты моның өчен ике гектар җир бүлә, СССР Әдәби фонды биргән 400 мең сум акчага Финляндиядән үк дүрт йорт кайтартылып җыела. Аннары йортлар тагын да ишәя. Иң беренче булып Сибгат Хәким, Хәсән Туфан, Гомәр Бәширов, Габдрахман Әпсәләмов әлеге ведомство дачаларын башта бер сезонга арендалый, аннары тагын бер сезонга, аннан соң янә бер елга… Тиздән арендачылар «Татар Переделкиносы»нда тамыр җибәрә. Бистә тарихында аларның һәркайсы хакында риваятьләр саклана, алар буыннан буынга тапшырылып килә. Бүгенге буын биредә музей булдыру турында хыяллана – анда бистәдәге татар язучыларының һәркайсы хакындагы уникаль тарих үз урынын табар иде. Әлегә андый музей юк, шунлыктан безгә бу кызыклы хәлләрне Татарстан Республикасының халык шагыйре Равил Фәйзуллин сөйли. Ул аларның барысын да әле кичә генә булгандай яхшы хәтерли…

12.10.2021
Мәңгелек Татарстан Сәмәрканды!

Инде аңлашылганча, «Татарстан» журналының июнь саны республика буенча сәяхәтләргә багышланды. Туристлар өчен иң кызыклы урынны эзли торгач, гаҗәп бер авылга тап булдык – Сәмәрканд! Әйе, әйе, Татарстанның үз Сәмәрканды бар! Әлмәт шәһәреннән 35 чакрым көньяк-көнбатыштарак, Нократ елгасы буенда урнашкан ул.

29.06.2021
Мәңгелек Беренче профессиональ татар сәясәтчесе: Садрый Максуди

Садрый Максуди – совет идеологиясе җимерелгәч, Гаяз Исхакый, Галимҗан Баруди, Йосыф Акчура, Фатыйх Кәрими, Гобәйдулла һәм Габдулла Бубилар кебек фикердәш һәм мәсләктәшләре төркемендә исеме вә эш-гамәлләре халыкка әйләнеп кайткан күренекле татар интеллектуалларыннан берсе.

18.06.2021
Мәңгелек Олы Тигәнәленең олы сөенече

– Республика авыллары буйлап сәяхәт иткәндә берәр (ә кайсыбер очракта берничә) гаҗәп кеше белән очрашасың да таң каласаң. Инде янә бүтән болай тәэсирләнмәм, дип уйлыйсың. Ә юк, янә сокланасың! Алексеевск районының Олы Тигәнәле авылына баргач та, әнә шундый гаҗәп кешеләргә тап булдык.

27.05.2021
Мәңгелек Гүзәл Яхина: «Яңа әсәрем – кешелеклелек турында»

«Сәмәркандка эшелон» – Гүзәл Яхинаның шушы көннәрдә басылып чыккан романы шулай атала. Соңгы берничә ел эчендә ике бестселлер язган автор укучыны бу юлы ни белән гаҗәпләндерер икән? «Татарстан» журналы яңа әсәр турында язучының үзеннән сорашты.

17.03.2021