Бәйрәм белән, гүзәл затлар!

Марат Кәбировка ияреп шулай диясе килә бүген! Җылы кояш нурларына төренеп, йөгерек гөрләвекләре белән ашыгып, язның беренче зур бәйрәме – 8 Март, Халыкара хатын-кызлар көне дә килеп җитте.
Әйе, бүген хатын-кызларыбызның күпчелеге эш белән мәшгуль. Ул балалар да үстерә, йорт-җирне дә карый,  аны якты һәм җылы итә, карьера да ясый. Һәм шушы мең төрле мәшәкатьләрдән арынып, үзенең нәзакәтлелеген дә саклый белә. Боларны бары тик хатын-кыз гына булдыра ала.
Хөрмәтле гүзәл затларыбыз! Тормышыгыз яхшылык һәм яктылык, мәхәббәт, якыннарыгызның күңел җылысы һәм игътибарын тоеп, йөзләрегез елмаюдан яктырып, нурлар чәчеп торсын. Сәламәт булыгыз!