Балтач безгә серләрен ачты...

"Татарстан" журналистлары Балтач белән Арча якларында йөреп кайтты.
Хәбәрчеләребез, Балтач районындагы Шода авылында атаклы драматург Мирхәйдәр Фәйзинең музей-утарында булып, күпсанлы Галиябанулар белән танышып, һәммәсен дә фотога төшерделәр.
Арча районындагы Казанбаш авыл мулласы "Татарстан" хәбәрчеләренә колхоз председателенең берничә тапкыр төшенә керүе турында сөйләде. Моннан тыш, сез журналның октябрь санында Гариф Ахуновның нилектән "Казанбаш уңганнары" очеркын язуы, "Ипи чарасы" дип аталган музей экспонаты турында да укып белә алырсыз.