Бәйрәм ялларында Казанда машина кую урыннары түләүсез була

Казанда 8 марттан 11 мартка кадәр муниципаль машина кую урыннары түләүсез булачак. Бу хакта шәһәр мэриясе матбугат хезмәте хәбәр итә.
Шәһәрдә февраль аеннан 2153 урынлык 74 муниципаль машина кую мәйданы эшли. Биредә машинаны куеп тору бәясе 30 дан 70 сумга кадәр. Түләүне мобиль кушымта, урамнардагы паркомат, sms-хәбәр яисә “Казан паркингы” порталы аша башкарырга була.
 
“Татар-информ”