Казанның үзмәшгуль халкы Май чабу ярминкәсендә катнаша ала

14-нче мартта Горький исемендәге паркта һәм Горки-Әмәт урманында Май чабу бәйрәме узачак. Ярминкәдә үзмәшгуль казанлылар катнаша алачак.
Ярминкәдә төрле эчлекләр һәм гадәти булмаган тәм-томнар белән коймак әзерләүче, икмәк, крендель, баранка пешерүче, бозлы кәнфитләр ясаучы, чәйләр һәм башка кайнар эчемлекләр кайнатучы үзмәшгульләрдән гаризалар кабул ителә.
Ярминкәдә катнашучылар үзмәшгуль буларак рәсмиләшкән булырга яки теркәлгән бизнеска ия булырга тиеш. Сайлап алуда катнашу өчен гариза тутырырга, үз брендың һәм товарларың турында сөйләргә, берничә фотосурәт беркетергә кирәк.
Ярминкәдәге урыннар барлык санитар-эпидемиологик таләпләрне үтәү шарты белән бушлай бирелә, дип хәбәр итә Парклар һәм скверлар дирекциясе матбугат хезмәте. Гаризалар 5-нче мартка кадәр кабул ителәчәк.
KZN.RU