Минтимер Шәймиев һәм Фәрит Мөхәммәтшин Александр Пушкин һәйкәленә чәчәкләр куйды

Бүген Муса Җәлил исемендәге Татар дәүләт опера һәм балет театры янындагы бөек рус шагыйре Александр Пушкин һәйкәле каршында Пушкинның туган көне уңаеннан традицион шигъри митинг узды. Бу хакта ТР Президентының матбугат хезмәте хәбәр итә.

Митингка республика җәмәгатьчелеге һәм иҗади интеллигенция вәкилләре, мәдәният эшлеклеләре, мәктәп укучылары һәм студентлар җыелды.
ТР Дәүләт Киңәшчесе Минтимер Шәймиев һәм ТР Дәүләт Советы Рәисе Фәрит Мөхәммәтшин Александр Пушкин һәйкәленә чәчәкләр салды.

• Бүген, 6 июньдә, А.С.Пушкинның туган көнендә рус теленә багышланган Россия һәм халыкара күләмдәге дәүләт бәйрәме - Рус теле көне билгеләп үтелә. Россия Федерациясендә әлеге бәйрәм – 2011 елда, ә БМО тарафыннан 2010 елда гамәлгә куелган.

 
"Татар-информ"

Фото: tatarstan.ru