Путин декабрьнең икенче яртысында зур матбугат конференциясе үткәрәчәк

Россия Президенты Владимир Путин декабрьнең икенче яртысында традицион зур матбугат конференциясен җыячак, ә Федераль Җыенга Юлламасын 2020 елда игълан итәчәк. Бу хакта Россия Президенты матбугат секретаре Дмитрий Песковка сылтама белән ТАСС хәбәр итә.
«Ул [зур матбугат конференциясе] инде билгеләнгән, тиздән без аккредитация игълан итәчәкбез», - диде Кремль вәкиле. Аның сүзләренчә, төгәл көне әлегә билгеле түгел, әмма ул «декабрьнең икенче яртысына» туры килә.
Песков шулай ук Президент Федераль Җыенга юлламаны 2020 елда игълан итәргә планлаштыра, дип белдерде.
"Татар-информ"