Татарстан көрәшчесе Европа чемпионатына әзерләнә

Татарстан спортчысы Светлана Липатова Россия җыелмасы составында 8-14 апрельдә Румыния башкаласы Бухарестта узачак көрәш буенча Европа чемпионатында катнаша. Ул 59 килограммга кадәр авырлык категориясендә чыгыш ясый.
Казан ирекле көрәш мәктәбе спортчысы, халыкара класслы спорт мастеры Светлана Липатова – 2018 елгы Европа чемпионатының бронза призеры, 2015 елгы Европа уеннары призеры, ирекле көрәш буенча Россия чемпионы, 2013 елдан башлап Россия җыелмасы әгъзасы.