“Әти-әнинең балага калдырган иң зур мирасы – яхшы тәрбия”
Татарстанның баш казые Җәлил хәзрәт Фазлыев еш кына балалар тәрбиясе турында сөйли. Бүген без дә шушы теманы күтәрергә булдык.
24 января 2025
-Җәлил хәзрәт, балаларга ничек дөрес тәрбия бирергә?
-Балаларның сөенечен күрим дисәң, аларны игелек кылудан тәм табарга өйрәтергә кирәк. Пәйгамбәребез (с.г.в): “Әти-әнинең балага калдырган иң зур мирасы – яхшы тәрбия”,- дигән. Байлык белән генә бала тәрбияләп булмый... Бер бала әтисеннән:
-Әтием, син көненә ничә сум акча эшлисең?- дип сораган. Әтисе:
–Мең сум,- дип җавап биргән. Көннәрдән бер көнне әлеге бала әтисеннән алты йөз сум акча сораган.
-Ул акча сиңа нәрсәгә кирәк?- дигәч бала кеше:
-Мин тырышып дүрт йөз сум акча җыйдым, син алты йөз сум бирсәң, мең сум була. Шул акчаны сиңа бирер идем дә, бер көн буе минем белән булуыңны теләр идем,- дигән. Тәрбия кылганда балаларга тиешле шелтә, күпмедер җәза бирү, корылык вакытындагы яңгыр кебек үк кирәк.
Добавить комментарий