Игелекле

Бүген Татарстанда контракт хезмәте турында беренче марафон узачак

Бүген иртәнге сәгать 10да Татарстанда контракт буенча хәрби хезмәткә ярдәм итү өчен масштаблы патриотик акция старт ала. Марафон көн дәвамында 22.00 сәгатькә кадәр узачак.

17 октября 2023

Чабагач: хәтер сандыгындагы эш коралы

Елның иң тыгыз вакыты кайчан? Әлбәттә, көз: өлгергән уңышны җыеп алырга, урнаштырырга кирәк. Авыл кешесе өчен бу чор иң җаваплы вакыт булган. Әйе, бүген тормыш бик күпкә җиңелләште. Хәзер кырларда урып‑җыю барганын белмибез дә: заманча комбайннар санаулы көн эчендә эшне төгәлли. Ә бит безнең әби-бабаларыбыз барысын да кул көче белән башкарган. Бүген әнә шул шөгыльләрнең берсе – чабагач белән иген сугу турында сөйләшәбез

13 сентября 2023

«Профессионаллардан башка милли сәнгатьне үстерү мөмкин түгел!»

Һәр чорның үзенең популяр җырчысы, композиторы, язучысы була. Буыннар алмашынгач та, аларның иҗаты онытылмый. «Гармун алыйк әле, дуслар», «Бергә чакларда», «Кал моңнарым булып», «Ялгыз көймә», «Безгә дөнья дәшә»... Бу җырларны ишетмәгән кеше бармы икән?! Композитор Риф Гатауллин аларны иҗатының иң популяр чагында язган. «1970–1980 нче елларда ким дигәндә айга бер‑ике җыр туа иде», – ди композитор үзе. Риф әфәнде бүген ниләр белән шөгыльләнә? Хәзерге татар эстрадасына карашы ничек? Кыскасы, редакциябез кунакханәсендә бүген композитор, Муса Җәлил исемендәге Республика премиясе лауреаты, ТРның атказанган сәнгать эшлеклесе Риф Хоббулла улы Гатауллин.

25 августа 2023

Калфак, чапан, хәситә…

Вакыт кырыс. Кайчандыр әби-бабаларыбыз яратып кигән милли киемнәрне хәзер сандык төбеннән чыгарып карап булмый. Әмма «Татарстан», Казан Кремлендәге Кабул итү урыннарында оештырылган «Татар киеме – традицияләр һәм трансформация» күргәзмәсенә барып, борынгы киемнәрне күреп кайтты.

21 июля 2023

Татарстанга сәлам!

Таныш булыгыз: Айталина һәм Дмитрий Петровлар – үрнәк якут гаиләсе. Ни өченме? Беренчедән, бик матурлар. Икенчедән, яшьләр. Өченчедән, күп балалы: ике яшьлек Мичийэ һәм биш айлык Нарыйа гына түгел әле аларның сабыйлары. Алардан зуррак өч уллары – Айаал, Айтал һәм Мичил, каникул булганга, авылдагы әбиләрендә кунакта икән.

20 июля 2023

Милли матурлык сәнгате

Халык гамәли сәнгате һәм һөнәрләре милли үзәгендә бөтен нәрсәне дә эшли беләләр: милли кием тегү, келәм туку, тукыма, күн, драптан – гомумән, теләсә нинди калдык-постыктан корама ясау... Җеп, шнур, мех, ат кылыннан – гомумән, теләсә нәрсәдән милли бизәкләр чигү... Курчак, шкатулка, сумка, янчык – гомумән, әллә ниләр ясау... Өстәвенә, башкаларны да боларны ясарга һәм аннары дөрес итеп кияргә дә өйрәтәләр әле.

19 июля 2023

Җәйге кояш торгынлыгы көннәре

Милли киемле иң җете бәйрәм Якутиядә үткәрелә – Ысыах ул. Быел анда 235 мең кеше катнашкан. Ә бит Саха (Якутия) Республикасында нибары 1 миллион кеше яши (миллионынчысы – Саина исемле кыз быел 23 июньдә туган, һәм бу шатлыклы вакыйганы бөтен якут халкы бәйрәм иткән). Логистиканы да исәпкә алу мөһим: биредә бер районнан икенчесенә кадәр ара кайвакыт Казан белән Самара арасыннан да ераграк була. Шулай булса да, кояшны каршылау һәм аның энергиясен бер елга, озын һәм салкын кышка җитәрлек итеп туплап калу өчен, республика халкының яртысы диярлек, хәтта иң ерак һәм юлсыз районнардан да, кирәкле көн һәм сәгатькә бәйрәм итү урыны Ус Хатынга җыела.

18 июля 2023

Яңа Чишмә: кырыкта тормыш башлана гына әле!

Быел Яңа Чишмә районына 40 ел тулды. Республикабызның иң яшь районнарыннан берсе ул. Хорафатларга ышанучан кешеләр мондый юбилейны билгеләмәскә өндәсә дә, күпчелек, 40 та гомер әле башлана гына, дип саный! Кемнең хаклы булуын ачыклар өчен, район башлыгы Вячеслав Козлов янына кунакка барабыз.

16 июля 2023

«Татар беркайчан үз милләтен яшерми!»

Тынгысыз кешеләр була, Миләүшә Хафизовна шундыйлардан. Бер сәгатьлек әңгәмә барышында әллә ничә тапкыр телефоны шалтырады. Кемгәдер хастаханә белән проблеманы хәл итәргә кирәк, икенчеләрдә бүтән гозер. Туганнары, дуслары гына түгел, танышларның танышлары да мөрәҗәгать итә икән. Һәм иң кызыгы – Миләүшә Хафизовна һәркайсын тыңлый, матур итеп җавап бирә. Бүгенге ыгы-зыгылы заманда бөтен кешегә ярдәм итәргә вакыт, энергия кайдан ала соң ул? Бу сорауга аның үз фәлсәфәсе: «Әби әйтә иде: «Кызым, Аллаһы Тәгалә башкаларга ярдәм итә алу мөмкинлеген бөтен кешегә дә бирми. Иң бәхетле, иң яраткан бәндәсенә генә андый мөмкинлек тудыра». Шуның өчен исәнлек, көч булганда, ярдәм итәргә язсын...» Гаилә көне алдыннан «Бөтенроссия татар гаиләсе» фонды директоры, югары категорияле табибә, РФнең сәламәтлек саклау отличнигы, Республика тиревенерология авырулары диспансерының бүлек мөдире Гайфуллина Миләүшә Хафиз кызы белән очрашып, милли дә, тормышчан да әңгәмә кордык.

13 июля 2023

Халык бәйрәмнәре – милли киемнәр чагылышы

Халык бәйрәмнәре – милли киемнәр кию өчен менә дигән форсат. Үз халкыңның милли киеменә үзең дә сокланасың, башкалар да битараф кала алмый! Ә инде икенче милләтнең милли киемен киеп йөрү бигрәк тә кызык – үзеңне мари, удмурт, грузин, якут һ.б. итеп хис итәсең.

11 июля 2023

Бәрәңгене җырлап өяләр!

Халкыбызның телен әйтәм, бигрәк матур һәм төрле. Менә бәрәңгене генә алыйк: аны өяләр, яралар, күтәрәләр... Эш кораллары да төрле бит: кул сукасы, ат сукасы, китмән... Һәм болар барысы да бәрәңге төбен туфрак белән күмү өчен кирәк. Бүген менә шул иске яңа шөгыль турында сөйләшергә булдык.

10 июля 2023

Кукмараның туган якны өйрәнү музее

– Дөньядагы иң матур музейга рәхим итегез! – дип каршы алды кунакларны Кукмараның туган якны өйрәнү музее хезмәткәрләре. Һәм чыннан да бусагадан атлауга, бу сүзләрнең дөреслегенә ышанасың. Чөнки…

26 мая 2023

Их, Кукмара, Кукмара, ерагаймасын ара...

Кукмара, мөгаен, Татарстанда иң матур районнарның берседер. Монда барысы да: мәһабәт таулар да, офыкка җәелгән үзәннәр дә, куе урманнар да, Норма елгасы да, саф сулы чишмәләр дә бар… Табигатьнең шушы гүзәллекләрен аерым‑аерым күргәндә дә, тулаем караганда да асфальт «елга»лар, бордюр «яр»лар арасында үскән гади шәһәр кешесе хәйран кала.

25 мая 2023

Тал чыбыгы гына димәгез...

«Татарстан» журналы көнкүрештән төшеп калган шөгыльләрне барлауны дәвам итә. Монысында тал чыбыгыннан кәрзин үреп карадык. Физик көч сорый торган хезмәт икән! Шуның өчен дә тал чыбыгы белән күбрәк ир‑атлар эш итә. Без дә бу юлы әбигә түгел, бабайга кунакка бардык.

24 мая 2023

Ел ярымда тагын бер гомер яшәдем...

Җир йөзендә нинди генә кешеләр юк. Гаҗәеп талантлы, зыялы, кызыклы, көчле ихтыярлы, сәерләре дә... Шундый үзенчәлекле, кабатланмас шәхесләрнең берсе – Илдус Әхтәм улы Янышев. Ул мәктәпне – алтын медальгә, Казан федераль университетытының юридик факультетын кызыл дипломга тәмамлаган, Эчке эшләр министрлыгында эшләп алган, Казан шәһәр Думасында депутат булган, Татарстанның атказанган юристы, бүгенге көндә Татарстан велосипедчылар берлеген оештыручы да, уңышлы эшмәкәр дә. Иң гаҗәбе: моннан нәкъ алты ел элек, ягъни 2017 елның 28 апрелендә ул берүзе, велосипедка утырып, дөнья тирәли сәяхәткә чыгып киткән һәм, ел ярым эчендә 24 мең чакрым юл үтеп, 13 илне гизеп кайткан! Илдус Янышев белән әлеге карарга ничек килүе, нинди нәтиҗәләр ясап кайтуы һәм башкалар турында сөйләштек.

20 апреля 2023