Биектау районының Торнаяз авылы фермеры Латыйповлар хуҗалыгында сыерларны робот сава!

Экранда бу малкайның күпме сөт биргәне күрсәтеп тора. Эш беткәч, саву аппараты җиленнән үзе алына һәм сыер чыгып китә. Чират буенча икенчесе килә. Һәм ул тәүлек буе шулай: ягъни сыерлар төнлә дә килеп җиленнәрен бушатып китә.

-Иң рәхәте – кул хезмәте юк,- диде Ленар Латыйпов. – Трактор белән ризыкны сыерларның алларына бушатабыз да, робот тарата. Тиресне да җыймыйбыз, шулай ук автомат көйләнгән. Бик җайлы инде.

Робот җайланма сыерның күпме ашаганын, күпме сөт биргәнен күрсәтә, кайчан бозаулыйсын, авырулары турында да әйтә. Һәр сөтлебикәнең муенында махсус чипы бар, менә шул бар мәгълүматны җиткереп тора.

Латыйповлар турында кызыклы язманы журналыбызның март саныннан укый аласыз.