Декабрьдә кар аз булса, җәй коры килә...

Ниһаять, кар ява башлады. Сездә дә явамы? Яңа ел кәефе сизеләме? Әйе, быел кыш көттереп кенә килә. Хәер,кемдер карсыз, җылы кышны ярата. Дуслар, ә сезгә мондый һава торышы ошыймы? Декабрь сынамышлары:

-Декабрь башында көчле бураннар, кар яуса, июнь башында яңгырлар була; –
Декабрьдә кар аз булса, җәй коры килә; -Декабрьдә кара каргалар күренә икән, кыш җылы була;
–Карсыз декабрь — коры яз билгесе;
-Декабрь җылы булса, кыш озакка сузыла, яз салкын була, соң килә;
-Декабрьдә җиргә туң төшсә, кар көртләре булса, киләсе елга уңыш мул булыр.