
Иртәгә, ягъни 16 июньдә республикабыз шәһәр һәм районнарында Корбан гаете уңаеннангомумшәһәр балалар һәм гаилә бәйрәмнәре узачак
Мөхтәсибәтләр гадәттәгечә паркларда һәм мәчет янында бәйрәмнәр оештырачак. Кунаклар өчен сый-нигъмәт, төрле бәйгеләр, викториналар, милли уеннар каралган.
15 июня 2024
Шулай ук мәдәни программа да булачак. Очсыз бәядән хәләл ризыклар сатыла торган сәүдә нокталары да эшлиячәк.
Төп чара – Кремль яр буенда традицион гаилә фестивале – “Корбан фест” узачак. Ул 17.00 башлана һәм 21.00 гә кадәр дәвам итәчәк. Фестиваль программасы ике өлешкә бүленгән: балалар сәхнәсе аерым булачак, ди оештыручылар. Гадәттәгечә, бәйрәмдә ярминкә дә эшлиячәк. Күңел ачу программасына балалар һәм өлкәннәр өчен мастер-класслар, шулай ук төрле ярышлар керә. Җиңүчеләргә 20 мең һәм 30 мең мумлык бүләк сертификатлары тапшырылачак.
Добавить комментарий