
Мордва туганнар бәйрәм итте!
Тәтеш районында дистә елдан бирле мордва бәйрәме – “Валда Шинясь” уздырыла. Матур чара быел да Килдеш авылы аланлыгында узды.
03 июля 2024
Якты көн дип тәрҗемә ителә торган бәйрәм елдан-ел зурая. Хәзер инде ул республикакүләм форматта уза. Бәйрәмгә әзерлек эшләре бер айдан башлана. Килдештә яшәүчеләр авылны тәртипкә китерә, тәм-томнар пешерәләр, уха әзерлиләр, кыскасы, сый-нигъмәтләрдән табыннар сыгылып тора. Тагын әле Тюштянь ярминкәсе әзерлиләр. Монда ни генә булмый…
Килдешлеләр генә түгел, районның барлык мәдәният йорты хезмәткәрләре дә катнаша бәйрәмдә. Бөтен тирә-як авыл, районнардан халык җыела. Быелгы бәйрәм дә бик күңелле узды!
Добавить комментарий