Рәхәт шөгыль!

Социаль челтәрләрдә дә актив. Фоат абый татар авылы ишегалдында ни булган, барысын да ясый: уфалла арбасы, ат арбасы, ат чанасы һ.б. Тагын мотоцикл да матур килеп чыга: агач көпчәкләренә, вак детальләренә кадәр бар. Әлбәттә, сүз аларның кечерәйтелгән варианты турында бара.

Фоат абый намазда, мәчеткә йөри. Шуның өчендер дә Аллаһ йортларын аерым бер ләззәт белән ясый.
-Мәчетләрнең макетын бүләк итәргә яратам, – ди оста. – Чаллының “Нур-Ихлас”, Аксубай районының Яңа Ибрай, Яшел Үзән районының Кече Шырдан, Теләче районының Җөри авыллары һәм туган авылымның ике мәчетен ясадым. Әле күптән түгел Самара өлкәсенең Гали авылы мәчете макетын эшләдем.

Фоат абый җәйне аеруча сагынып көтә, чөнки ул бакчасындагы остаханәсенә “күченә”. Ә кышын фатирында эшли.