“Студентлар язы” сине көтә!
Традициягә кергән зур чаралар, фестивальләр бар. Шуларның берсе – «Студентлар язы». Быел да узачак ул, гаризалар 25 мартка кадәр 10 иҗат юнәлеше буенча кабул ителә.
12 марта 2025
Быелгы «Студентлар язы» Бөек Ватан сугышында Җиңүнең 80 еллыгын бәйрәм итү кысаларында үткәреләчәк. Май аенда узачак гала-концертта чыгыш ясау өчен егетләр һәм кызларга берничә этап үтәргә туры киләчәк. Бәйгедә төрле юнәлешләр бар: вокаль, инструменталь, бию, театр, шулай ук югары уку йортының гомуми программасы, оригиналь жанр, медиа, видео, мода... Фестивальдә 16 яшьтән 35 яшькә кадәрге студентлар катнаша ала. Мәртәбәле чарада узган ел республиканың 20 югары уку йортыннан 4000 студент һәм 20 районыннан 50 техникумы катнашкан. Быел да шуннан ким булмас дип көтелә.
Добавить комментарий