Үрнәк гаиләләрне зурлап...

Башта авылда калып, шунда гомер кичергән, балалар үстергән парларга затлы бүләкләр тапшырылды. Аннан исә районның төрле авылларында яшәүче җырлы-моңлы гаиләләр чыгыш ясады. 

-Туган авылда калганыгыз, Шәмәкне яшәрткәнегез, яшәткәнегез өчен бик зур рәхмәт сезгә, авылдашлар,- диде Россия Дәүләт Думасы депутаты, “Апас якташлар җәмгыяте” җитәкчесе Марат Нуриев. – Атна саен туган авылыма кайтам. Монда гына мин рәхәтләнеп ял итә алам. Ничек тә йортлар санын киметмәскә. Ә иң зур теләгем – Шәмәгебездә сабыйлар күбрәк тусын иде.

Баксаң, мондый гаилә бәйрәмнәре Апасның башка авылларында да узган. Әле ел азагына кадәр тагын дәвам итәчәк. 

Дуслар, ә сезнең якта үрнәк гаиләләрне шулай зурлыйлармы?