4 мартта буран булып, көртләр хасил булса, яшелчә уңар.
Язның беренче атнасы да узып бара. Дөрес, әле кыш дилбегәне бик бирергә җыенмый, шулай да кояшлы җылы көннәргә күп калмады инде...
4 мартта буран булып, көртләр хасил булса, яшелчә уңар. Халык сынамышлары шулай ди. Буран ук булмаса да, бүген кар күрсәтә, яхшыга юрыйк.
Март аена тагын нинди халык сынамышлары бар соң?
-Мартта җылы булса, җәй салкын була.
-Март яңгырлы булса, гөмбәле җәйгә ишарә.
-Мартта суык һәм коры булса – икмәк уңар.
-Мартта боз сөңгеләре озын булса, яз озак килер.
-Мартта томаннар еш төшсә, яңгырлы җәйгә.
-Март ахырында карның тиз эрүе һәм суларның тиз китүе дә - яңгырлы җәй
билгесе.
Добавить комментарий