Авиакомпанияләр Россиянең көньягындагы коридор хисабына Сочига очу вакытын кыскартачак

Россия авиакомпанияләре илнең көньягында ябык һава киңлеге аша Сочига очыш ясый алачак. «Туры» маршрутлар 30 августтан башлана.
«Авиакомпанияләр илнең көньягындагы ябык һава киңлегенең бер өлеше аша Сочига 30 августтан соң туры очышларны башкарачак. Дүшәмбе көнне авиакомпанияләр өчен очышлар буенча киңәшмә-аңлату булачак», - диде агентлык чыганагы. Бу турыда авиакомпанияләрдәге чыганакларга сылтама белән ТАСС хәбәр итә.
Аның сүзләренчә, очышның озынлыгы якынча 30-35 минутка кыскарачак. Соңрак мондый коридорлар башка шәһәрләргә билгеләнгән рейслар өчен дә барлыкка килергә мөмкин.
Тулырак: https://tatar-inform.tatar/news/aviakompaniyalar-rossiyanen-konyagyndagy-koridor-xisabyna-sociga-ocu-vakytyn-kyskartacak-5859325