Азнакайда «Чатыр тауда җыен» Халыкара фестивале була

10 июльдә Азнакай районында Чатыр тау итәгендә махсус мәйданчыкта «Чатыр тауда җыен» XI Халыкара халык иҗаты фестивале була.
Бөтендөнья конгрессы хәбәр иткәнчә, төрки халыклар фестивале Татарстан Хөкүмәте гранты ярдәмендә оештырылган.
Фестиваль төрки халыкларның борынгыдан килгән гореф-гадәтләрен, милли үзенчәлекләрен, тормыш-көнкүрешен чагылдырган җыр-бию, нәфис сүз осталары чыгышы, театральләштерелгән тамашалар белән кунакларны моңлы да, серле дә, дәртле һәм куәтле дә булган сәнгать дөньясына сәяхәткә дәшә, диелә хәбәрдә.
"Татар-информ"