Балтач мәчетендә "Татар халык мәгарифе музее" булачак

Мәдрәсә өлешенеӊ өченче катында ремонт эшләре тәмамланган һәм анда "Татар халык мәгарифе музее" урнашачак, дип яза җирле басма.
Балтач мәчетенең мәдрәсә өлешендә, өченче катта бу максатка аерым бүлмә хәзерләнә.
Бу эшләрне башлап йөрүче Рамил хәзрәт Бикбаев әйтүенчә, мүзейныӊ концепциясе әзер, акрынлап экспозицияләрне булдырып, урнаштыру эшенә керешәчәкләр. Үзәк мәчеткә ифтар мәҗлесенә килгән район башлыгы Рамил Нотфуллин, районныӊ кураторы Мәҗит Салихов, Балтач районы мөхтәсибе, Татарстан Республикасыныӊ Баш казые Җәлил хәзрәт Фазлыев бинаныӊ хәзерге торышы белән кызыксындылар.
 
“Татар-информ”, “Хезмәт”