Дүшәмбе киңәшмәсендә Чаллы шәһәре мэры Наил Мәһдиев шәһәрнең баш санитар табибы Илгизәр Бариевка йогышлы авырулар хастаханәсенең «А» блогындагы эшләрне контрольдә тотарга кушты. Бу турыда «Шәһри Чаллы» хәбәр итә.
«Без 6000 нән артык кв.метр мәйданны тәртипкә китерергә тиеш. Коронавирус чигенсә дә, ул бетмәде. Россиянең кайбер төбәкләрендә аның яңа төрләре табылу турында хәбәрләр бар. Шуңа күрә язгы-җәйге чорда төзүчеләр актив эшләп, «А» блогын көзгә ремонтлап бетерергә тиешләр. Хастаханәнең бу өлеше быел көзгә авыруларны кабул итәргә әзер булсын», – диде ул.
Тулырак: https://tatar-inform.tatar/news/callyda-iogysly-avyrular-xastaxanasenen-a-blogy-kozga-azer-bulyrga-ties-5852658