“Черек күл” паркында фигуралы шуу буенча түләүсез мастер-класс үтәчәк

 
Казан халкы һәм башкала кунаклары “Черек күл” шугалагында фигуралы һәм дөрес шуу буенча түләүсез мастер-класста катнаша ала. Бу хакта Instagram’да “Татарстан парклары һәм скверлары” битендәге программада хәбәр ителә.
Мастер-класслар “Паркларда кыш” программасы буенча 5 һәм 7 гыйнварда уза. Дәресләр 16.00 сәгатьтә башлана.
Яңа ел төнендә Казан паркларында 4 меңләп кеше ял иткән. “Черек күл” шугалагында 3 меңләп кунак булган, Горький исемендәге паркта меңләп кеше булырга өлгергән.
“Паркларда кыш” программасы 8 гыйнварга кадәр дәвам итә.
“Татар-информ”