Чиләбе өлкәсендә татар халкына багышланган күргәзмә ачылды

Еманжелинск шәһәрендә А. Ф. Ведерников исемендәге тарихи-туган якны өйрәнү музеенда «Татар халкының мәдәнияте һәм гореф-гадәтләре» дигән күргәзмә ачылды.
Ул татар ашлары остасы Юныс Әхмәтҗановның туган көненә багышланган. Бу турыда Чиләбе Татар конгрессы сайты яза.
Күргәзмә ачылышында Чиләбе өлкәсенең татар хатын-кызлары ассоциациясе җитәкчесе Люция Сабирова һәм «Дуслык» татар-башкорт үзәге җитәкчесе Лилия Подкорытова кунакларга татар халкының гореф-гадәтләре һәм йолалары турында сөйләде. Шулай ук кунаклар татарларның көнкүреше, милли киемнәр, әдәби басмалар белән танышты.
Күргәзмә мәктәп укучылары арасында бик популяр. «Дуслык» татар-башкорт үзәге экспозициясе музей кунакларын 2022 елның 1 июненә кадәр эшли.
Тулырак: https://tatar-inform.tatar/news/tatar_world/18-03-2022/chil-be-lk-send-tatar-halkyna-bagyshlangan-k-rg-zm-achyldy-5851581