Казан беренче тапкыр гер спорты буенча Россия чемпионатын кабул итәчәк

13-нче июньнән 16-нчы июньгә кадәр Казанның «Ак Барс» көрәш сараенда беренче тапкыр гер спорты буенча Россия чемпионаты узачак. Ярышларда Татарстан Республикасы, Мәскәү, Санкт-Петербург һәм Россиянең башка шәһәрләреннән һәм төбәкләреннән 38 команда - 200-дән артык гер күтәрүче катнаша.
Ярышлар ир-атлар арасында «озын цикл», «ике төр ярыш» һәм «эстафета» дисциплиналарында, шулай ук хатын-кызлар арасында «озын цикл» һәм «ыргылу» дисциплиналарында узачак. Татарстан Республикасыннан турнирда 20 спортчы катнашачак.
Ир-атлар 63 кг, 68 кг, 73 кг, 85 кг, 85 кг.-нан артык авырлык категориясендә ярышачак; хатын-кызлар 63 кг һәм 63 кг.-нан артык авырлыкта көч сынашачак.
Ярышларны ачу тантанасы 14-нче июньдә 14.00 сәгатьтә булачак, дип хәбәр итә ТР Спорт министрлыгының матбугат хезмәте. Ярышлар программасын сайтта карарга була.
 
KZN.RU