Яңа ел каникулларында Казаннан Мәскәү һәм Санкт-Петербургка өстәмә поездлар йөриячәк

Яңа ел каникулларында Казанны Мәскәү һәм Санкт-Петербург белән өстәмә поездлар тоташтырачак. Составлар 23 декабрьдән 9 гыйнварга кадәр йөриячәк.
Өстәмә поездларга билетлар әкренләп сатуга чыгачак. Аларны тимер юл кассаларында, вокзалларда үз-үзеңә хезмәт күрсәтү терминалларында, «Россия тимер юллары» ААҖ рәсми сайтында һәм «Россия тимер юллары – пассажирларга» мобиль кушымтасы ярдәмендә сатып алырга мөмкин.
Россия буенча яңа ел каникулларында 4,5 млн пассажир сыйдырышлы 1 меңгә якын өстәмә поезд йөриячәк, дип хәбәр итә «Россия тимер юллары» ААҖ матбугат хезмәте.
Тулырак: https://tatar-inform.tatar/news/yana-el-kanikullarynda-kazannan-maskau-ham-sankt-peterburgka-ostama-poezdlar-ioriyacak-5863561