Иртәгә "Большая книга" Милли әдәби премиясе лауреатлары билгеле булачак

Рус телле татар язучысы Шамил Идиатуллинның “Большая книга” Милли әдәби премиясе номинанты булган “Город Брежнев” китабы өстәмә тираж белән басылып чыккан. Бу хакта Шамил Идиатуллин китапны сатуда таба алмаучыларга җавап итеп үзенең социаль челтәрдәге битендә хәбәр итә.
Искәртеп үтәбез, иртәгә “Большая книга” Милли әдәби премиясенең лауреатлары билгеле булачак. Ул Мәскәүнең Пашков йортында игълан ителәчәк.
Ә укучылар тавыш бирүенең нәтиҗәләре билгеле инде. Анда – Шамил Идиатуллин өченче урында.
Мәгълүмат өчен: “Большая книга”ның премия фонды – 5,5 миллион сум.