Казан - Салмачи арасындагы бердәнбер юлны төзекләндерүдән соң ачтылар

Бүген Салмачи бистәсенә илтә торган бердәнбер - Кол Гали урамындагы юлны ачу тантанасы булды .
Проект буенча Кол Гали урамының Габишев урамыннан Үзәк урамга кадәр булган өлеше каралды - ул 1,7 чакрым озынлыкта. "Эш җиде ай дәвамында алып барылды, бу объект техник яктан бик катлаулы булуы белән аңлатыла. Объектта күчереләсе бик күп коммуникацияләр, шул исәптән магистраль торбалар бар иде. Моңа карамастан, эш билгеләнгән график буенча башкарылган", — дип белдерде "Алексеевскдорстрой" предприятиесе генераль директор урынбасары Марат Саттаров.
Кол Гали урамындагы катлаулы юлны дүрт полоса итеп киңәйттеләр.
"Татар-информ"