Казанда тагын бер «вафель» юл тамгасы барлыкка килде

Казанда яңа «вафель» юл тамгасы барлыкка килде – аны Пушкин һәм Сәлимҗанов урамнары чатында һәм Татарстан һәм Уң як Болак урамнары киселешендә ясадылар.

«Вафель» юл тамгасы юл-транспорт һәлакәтләре еш килеп чыгу күзәтелгән, светофорлар белән җайга салына торган юл чатларында кулланыла. Юл тамгасы диагональ линияләрдән торган һәм билгеләнгән чикләре булган сары төстәге челтәрдән гыйбарәт. Тамганың гомуми мәйданы 1600 кв.м тәшкил итә, дип хәбәр итә ТР Транспорт һәм юл хуҗалыгы министрлыгы матбугат хезмәте.
«Вафель» юл тамгасының төп максаты - бөкеләр барлыкка килүне булдырмау һәм юл-транспорт һәлакәтләре концентрациясе урыннарын бетерү. Әгәр алда бөке барлыкка килгән икән, аркылы юнәлештәге транспорт хәрәкәте өчен киртә тудырмас өчен, бу участокка машина белән керү тыела. Хәзер машина йөртүчеләр өчен бераз көтү һәм светофорның яшел сигналы азагында чыгып китмәү яхшырак.
Хокук бозучыларга 1 мең сум күләмендә административ штраф яный.
Исегезгә төшерәбез, Казанда бу инде икенче шундый билге - беренчесе 1-нче июльдә Сул як Болак һәм Париж Коммунасы урамнары киселешендә барлыкка килде.
 
KZN.RU