Казанда “Ак калфак” оешмасы балаларны милли рухта тәрбияләргә өйрәнә

Бүген, 15 февральдә, Казанның 103 номерлы татар балалар бакчасында Казан шәһәре буенча Бөтендөнья татар хатын-кызлары «Ак калфак» иҗтимагый оешмасының күчмә утырышы үтә. Бу турыда Бөтендөнья татар конгрессы матбугат хезмәте хәбәр итә.
Утырышта Казандагы татар балалар бакчалары мөдирләре, татар мәктәп-гимназияләре җитәкчеләре катнаша.
"Кунакларга балаларны татар әдәбияты белән таныштыру өчен ком белән рәсем ясау алымын ничек кулланырга икәнен күрсәттеләр. “Кыз елату”, “Бәби чәе” йолалары белән таныштырдылар. Шулай ук нәниләр татар милли киемнәрен тәкъдим иттеләр", диелгән әлеге хәбәрдә.
"Татар-информ"