Казанда балаларга мәктәпкә һәм бакчага бармаска рөхсәт иттеләр

Казанда начар һава торышы аркасында балаларга мәктәп һәм бакчага бармаска рөхсәт иттеләр. Бу хакта «Татар-информ» агентлыгына Шәһәр мәгариф идарәсенә сылтама ясап Татарстан башкаласы мэриясенең матбугат хезмәтеннән хәбәр иттеләр.
Татарстан башкаласының белем бирү учреждениеләрендә бер тәүлеккә эш тәртибе үзгәртелә
4 февральдән 5сенә каршы төндә һәм 5 февраль иртәсендә Казанда айлык явым-төшем күләмендәге кадәр кар яуган. Төнлә Татарстан башкаласы урамнарын кардан арындыру өчен подряд оешмаларының барлык техникасы чыккан.
Буран булу сәбәпле, халыкара һәм эчке рейслар буенча самолетлар Татарстан башкаласыннан очып китә алмый.
"Татар-информ" хәбәр иткәнчә, Мәскәүдә мәктәпкә бармаска рөхсәт иттеләр, кар чистартырга хәрбиләр чыкты.
«Татар-информ»