Казанда Корбан бәйрәменә корбан чалу өчен 16 урын әзерләнгән

20-нче июльдә мөселманнар төп бәйрәмнәрнең берсен – Корбан бәйрәмен билгеләп үтәчәк. Республиканың барлык мәчетләрендә бәйрәм вәгазьләре узачак. Шәһәр һәм авылларда корбан чалу урыннары билгеләнгән.
Республика мәчетләрендә гает намазын кояш чыкканнан соң 30 минут узгач укырга киңәш ителә. Казан мәчетләрендә 2:30, 2:45 сәгатьтә иртәнге намаз  – Коръән уку башлана. 3:30 сәгатьтән 4:00 сәгатькә кадәр бәйрәм вәгазе, ә 4:00 сәгатьтә гает намазы була. 4: 05 сәгатьтә гарәп телендә вәгазь башлана, ә 04: 30 сәгатьтә – корбан китерү. ТР мөселманнары Диния нәзарәте казыйлары карары буенча, быел корбан чалу өчен нисаб күләме 36 мең сум күләмендә билгеләнгән.
Корбан чалу урыннары 15 мәчет һәм «Корбан-үзәк» территориясендә оештырылачак, дип хәбәр итә ТР мөселманнары Диния нәзарәте матбугат хезмәте. Урыннар исемлеге түбәндәге сылтама буенча тәкъдим ителгән.
KZN.RU