Казанда Республика балалар клиник хастаханәсенең яңартылган дәвалау корпусы ачылды

Казанда Республика балалар клиник хастаханәсенең 3-нче номерлы дәвалау корпусы бинасына капиталь ремонт тәмамланды. Инде бүген үк медицина учреждениесе яңадан пациентларны кабул итә башлаячак. Больница тәүлек буе эшләячәк.
Сафиуллин урамындагы ике катлы бинага капиталь ремонт узган елның маенда башланды. Модернизацияләүгә 178 млн сум акча бүленгән. Төнге һәм көндезге стационарда 110 һәм 46 ятак урнашкан. Моннан тыш, дәвалау корпусында 13 паллиатив ярдәм бар.
Медицина учреждениесендә шулай ук рентген-бүлек барлыкка килде, ә УЗИ бүлекләрендә һәм функциональ диагностикада җиһазларны яңарттылар. Моннан тыш, хастаханәдә Казан дәүләт медицина университеты кафедрасы урнашачак.
Яңартылган корпуста дәвалануга ашказаны-эчәк тракты, бөер һәм үпкә проблемалары, шулай ук аллергия белән педиатрия профиле буенча кабул итәчәкләр. Хастаханәдә барлыгы 78 медик эшләячәк, шул исәптән 11 табиб, шулай ук урта һәм кече медицина персоналы. Ярдәм сорап тар белгечләргә: аллергологларга, иммунологларга, гастроэнтерологларга һәм нефрологларга мөрәҗәгать итәргә мөмкин, дип хәбәр итә ТР Сәламәтлек саклау министрлыгының матбугат хезмәте.
 
KZN.RU