Казанда «Титры» балалар инклюзив киномәктәбе ачылды

Казанда «Титры» балалар өчен инклюзив киномәктәп эшли башлады. Анда ишетү һәм терәк-хәрәкәт аппараты функцияләре бозылган балалар һәм аларның 7 яшьтән 17 яшькә кадәрге сәламәтлек ягыннан чикләүләре булмаган яшьтәшләре түләүсез укый ала.
Дәресләрдә балалар актерлык осталыгын, сәхнә сөйләмен, пластика һәм мимиканы үзләштерәчәкләр; операторлык, режиссерлык эше белән танышачаклар; монтаж сәнгатенә өйрәнәчәкләр. Киномәктәп эше нәтиҗәләре буенча укучылар һәм аларның остазлары көче белән өч кыска метражлы фильм төшереләчәк. 27-нче августта, Россия киносы көнендә, кинофильмнарны ачык күрсәтү булачак, дип хәбәр ителә Татарстан митрополиясе сайтында.
Дәресләрнең җәдвәле формалаша. Дәресләр «Җәлил» яшьләр-яшүсмерләр үзәгендә (2 нче Газ урамы, 5) һәм «Хыял» гаилә ял үзәгендә (Павлюхин урамы, 120) ике яшь төркемендә (7 яшьтән 12 яшькә кадәр һәм 13 яшьтән 17 яшькә кадәр) узачак. Шулай ук якшәмбе көнне Серафим Саровскийның (Сафиуллин урамы, 7) мәхәлләсендә мастер-класслар һәм иҗат чаралары уздыру планлаштырылган. Укучыларга икенче аяк киеме алып килергә кирәк.
Укуга гариза бирү өчен «Титры» киномәктәбе җитәкчесе, изге Серафим Саровский социаль проектлар кураторы Татьяна Мерзлякова белән түбәндәге телефон аша элемтәгә керергә кирәк: +7(906)113-32-36 (WhatsApp).
«Титры» инклюзив киномәктәбе РФ Президенты грантын кулланып эшли. Проектны оештыручылар булып «Филантроп» социаль-мәдәни хәйрия проектларын гамәлгә ашыруга ярдәм итү үзәге һәм «Православие яшьләре» төбәкара иҗтимагый оешмасының Татарстан бүлеге тора.
 
KZN.RU