Казанда яшүсмер катнашында куркыныч юл-транспорт һәлакәте булган

 
«Татар-информ» МА хәбәр итүе буенча, бүген көндез Казанда Отрадная урамындагы 32 нче йорт каршында яшүсмер куркыныч юл-транспорт һәлакәтенә очрый - трамвай астына эләгә.
Трамвайда урнаштырылган видеогистратор кадрлары буенча, бала тиешсез урында юл аша йөгереп чыккан. Трамвай йөртүчесе кискен рәвештә тормозга баскан, әмма бәрелүдән котылып булмаган. Һәлакәт нәтиҗәсендә бала шунда ук үлгән.
"Хәзерге вакытта тикшерү бара, булган хәлнең барлык шартлары билгеләнә. 4нче трамвай маршруты туктатылды ", - дип аңлаттылар идарә матбугат хезмәтендә.
"Метроэлеткротранс" МУП яшүсмернең туганнары һәм якыннарының кайгысын уртаклаша.