Казанлыларны татар халык биюенә өйрәтәчәкләр

Бүген Казанның Горький паркында яшел мәйданчыкта «Татар халык биюе» халык биюе буенча мастер-класс узачак. Дәресне «Казан» бию ансамбленең сәнгать җитәкчесе Чулпан Закирова һәм ансамбль артистлары үткәрәчәк.
Дәресләрдә теләгән һәркем традицион татар биюе хәрәкәтләрен үзләштерә алачак. Катнашу өчен уңайлы киемнән һәм аяк киеменнән килергә кирәк, дип хәбәр итәләр оештыручылар.
Чара »Хәрәкәттә – бәрәкәт» проекты кысаларында уздырыла.
Мастер-класс 19:00 сәгатьтә башлана.
 
KZN.RU