Казаннан Санкт-Петербургка яңа даими авиарейс ачылды

Апрель аенда очкычлар пассажирларга дүшәмбе, чәршәмбе һәм җомга көннәрендә хезмәт күрсәтәчәк. Бу хакта Татарстан башкаласы аэропортының матбугат хезмәте хәбәр итә.
«Киләчәктә рейслар санын арттыру күздә тотыла, - дип искәрттеләр матбугат хезмәтендә. – Очкычның һавада булу вакыты ике сәгатьтән бераз гына артыграк дәвам итә》.
Апрель аенда самолет Казаннан 21.40 сәгатьтә кузгалып китәчәк һәм 23.55 сәгатьтә Санкт-Петербургта булачак.
Пассажирларга Boeing 737 семьялыгына кергән 189 кеше сыйдырышлы лайнерлар хезмәт күрсәтәчәк.
Тулырак: https://tatar-inform.tatar/news/kazannan-sankt-peterburgka-yana-daimi-aviareis-acyldy-5852783