Миңнеханов Татарстанда кече предприятиеләр бетү сәбәпләрен өйрәнергә кушты
2016 елда төзелгән Татарстанның кече предприятиеләренең якынча 35 проценты, өч ел да эшләмичә ябылды. Бу хәлне тирәнтен өйрәнергә һәм саннарны анализларга кирәк. Хөкүмәт утырышында Татарстан Президент...
2016 елда төзелгән Татарстанның кече предприятиеләренең якынча 35 проценты, өч ел да эшләмичә ябылды. Бу хәлне тирәнтен өйрәнергә һәм саннарны анализларга кирәк. Хөкүмәт утырышында Татарстан Президенты Рөстәм Миңнеханов шундый йөкләмә бирде.
Татарстан Республикасы Президенты матбугат хезмәте хәбәр иткәнчә, республика җитәкчесе Татарстан Республикасында инвестицион климатны яхшырту өчен Россия Федерациясенең башка субъектлары тәҗрибәсен өйрәнергә тәкъдим итте. «Башка төбәкләрдә дә бу юнәлештә актив эш алып барыла, аларның тәҗрибәсен өйрәнергә, аларны кулланырга кирәк», - диде ул.
Татарстан Президенты кече һәм урта эшмәкәрлек өчен административ киртәләрне киметү зарурлыгына игътибар итте. Муниципаль районнарда сәнәгать паркларын булдыру турында сөйләгәндә, Рөстәм Миңнеханов чираттагы тапкыр бу мәсьәләгә җитди һәм игътибар белән карарга тәкъдим итте. Ул сәнәгать паркларының җитди инвестицияләр булуын, һәм бу мәйданчыкларның инвесторлар белән тулыланырга, эшмәкәрләрнең бу мәйданчыкларның җәлеп итүчәнлеген күрергә тиешлеген искәртте.
Моннан тыш, Татарстан Президенты фикеренчә, бүген гражданнарга үз керемнәрен легальләштерергә ярдәм итү мөһим, бу шулай ук кече эшкуарлыкка да кагыла. «Хакимият кече бизнес белән эшләргә, ярдәм итәргә, вакытында ярдәм кулы сузарга тиеш», – дип йомгаклады Рөстәм Миңнеханов.
Татарстан Республикасы Хөкүмәте Йортында бүген төбәктә инвестицион климат торышына багышланган утырыш узды. Үз чыгышында Татарстан Республикасы Премьер-министры Алексей Песошин Россия Федерациясе субъектларында инвестицион климат торышының Милли рейтингы күрсәткечләре буенча 2018 елда Татарстан, Мәскәүдән калышып, икенче урынны алганын искә төшерде.
«Рейтинг нәтиҗәләре күрсәткәнчә, тулаем алганда, бездә барысы да яхшы, әмма аерым күрсәткечләр буенча эшмәкәрлек җәмәгатьчелеге уздырган сораштырулар нәтиҗәсендә канәгатьләнерлек булмаган бәяләр алынган һәм алар буенча эшне көчәйтергә кирәк», – дип белдерде Песошин.
Аның сүзләренчә, мондый күрсәткечләргә юридик затларны милек хокукларын теркәүнең һәм электр челтәрләренә тоташтыру, контроль-күзәтчелек чараларының уртача вакыты, кирәкле хезмәт ресурсларыннан файдалану мөмкинлеген бәяләү күрсәткечләре, кече бизнес субъектларыннан сатып алулар өлеше керә.
«Теләсә нинди рейтинг республика үсеше динамикасын күзәтеп торырга мөмкинлек бирә, без эшкуарларның канәгатьлек дәрәҗәсенең түбән булу сәбәпләрен ачыкларга һәм дәүләт һәм муниципаль хезмәтләре күрсәтүне яхшырту чараларын билгеләргә тиеш», – диде Татарстан Хөкүмәте җитәкчесе.
Татарстан Республикасы Президенты матбугат хезмәте хәбәр иткәнчә, республика җитәкчесе Татарстан Республикасында инвестицион климатны яхшырту өчен Россия Федерациясенең башка субъектлары тәҗрибәсен өйрәнергә тәкъдим итте. «Башка төбәкләрдә дә бу юнәлештә актив эш алып барыла, аларның тәҗрибәсен өйрәнергә, аларны кулланырга кирәк», - диде ул.
Татарстан Президенты кече һәм урта эшмәкәрлек өчен административ киртәләрне киметү зарурлыгына игътибар итте. Муниципаль районнарда сәнәгать паркларын булдыру турында сөйләгәндә, Рөстәм Миңнеханов чираттагы тапкыр бу мәсьәләгә җитди һәм игътибар белән карарга тәкъдим итте. Ул сәнәгать паркларының җитди инвестицияләр булуын, һәм бу мәйданчыкларның инвесторлар белән тулыланырга, эшмәкәрләрнең бу мәйданчыкларның җәлеп итүчәнлеген күрергә тиешлеген искәртте.
Моннан тыш, Татарстан Президенты фикеренчә, бүген гражданнарга үз керемнәрен легальләштерергә ярдәм итү мөһим, бу шулай ук кече эшкуарлыкка да кагыла. «Хакимият кече бизнес белән эшләргә, ярдәм итәргә, вакытында ярдәм кулы сузарга тиеш», – дип йомгаклады Рөстәм Миңнеханов.
Татарстан Республикасы Хөкүмәте Йортында бүген төбәктә инвестицион климат торышына багышланган утырыш узды. Үз чыгышында Татарстан Республикасы Премьер-министры Алексей Песошин Россия Федерациясе субъектларында инвестицион климат торышының Милли рейтингы күрсәткечләре буенча 2018 елда Татарстан, Мәскәүдән калышып, икенче урынны алганын искә төшерде.
«Рейтинг нәтиҗәләре күрсәткәнчә, тулаем алганда, бездә барысы да яхшы, әмма аерым күрсәткечләр буенча эшмәкәрлек җәмәгатьчелеге уздырган сораштырулар нәтиҗәсендә канәгатьләнерлек булмаган бәяләр алынган һәм алар буенча эшне көчәйтергә кирәк», – дип белдерде Песошин.
Аның сүзләренчә, мондый күрсәткечләргә юридик затларны милек хокукларын теркәүнең һәм электр челтәрләренә тоташтыру, контроль-күзәтчелек чараларының уртача вакыты, кирәкле хезмәт ресурсларыннан файдалану мөмкинлеген бәяләү күрсәткечләре, кече бизнес субъектларыннан сатып алулар өлеше керә.
«Теләсә нинди рейтинг республика үсеше динамикасын күзәтеп торырга мөмкинлек бирә, без эшкуарларның канәгатьлек дәрәҗәсенең түбән булу сәбәпләрен ачыкларга һәм дәүләт һәм муниципаль хезмәтләре күрсәтүне яхшырту чараларын билгеләргә тиеш», – диде Татарстан Хөкүмәте җитәкчесе.
Фото: tatarstan.ru
"Татар-информ"
Добавить комментарий