“Көн дә йөреп кайтам...”
Бу сөйкемле апаны Кама Тамагы районы Олы Салтык авылына баргач очраттык. Наилә апа Гыйльмановага җитмеш өч яшь. Гомер буе авылда сыер сауган. Бүген җәмәгате белән яши. Кош-кортлар асрый, бакча үстерә...
-Скандинав йөрүе белән дүрт еллап шөгыльләнәм,- диде Наилә апа. – Алдагы елларны авыл буенча йөреп кайта идем, хәзер менә шулай үзебезнең урамны гына урап киләм. Аякларның күп йөрергә чамасы юк. Кешедән дә яхшы түгел. Ел әйләнәсе бер көн калмыйча чыгам. Гел өйдә утырып тору әйбәт түгел, шуның өчен йөрим. Бабай миңа иярми, ялкаулана...
Добавить комментарий