Күкшел егетләре турындагы татар фильмы Белград кинофестивалендә катнаша

Татар кинорежиссеры Салават Юзеевның “Күкшел егетләре” документаль фильмы Белградта уза торган Халыкара этнографик кино фестивалендә катнаша. Бу хакта “Татар-информ”га фильмның продюсеры Марина Галицкая хәбәр итте.
Татарстанның Кукмара районы Күкшел авылында сакланып калган Сөрән йоласына багышланган документаль фильм төп конкурс программасына кертелгән. Жюрига ул иртәгә – 13 октябрьдә, кичке программада күрсәтеләчәк. Җиңүчеләр 14 октябрьдә билгеле булачак.

Фильмның авторлары кинофестивальдә үзләре катнаша алмаган.
Мәгълүмат өчен: Халыкара этнографик кино фестивале 10-14 октябрьдә Сербия башкаласында – Белградта үтә.
“Татар-информ”