Ләйсән Үтәшева - 2018 елгы Дөнья чемпионаты илчесе

Кичә Россиядә Дөнья чемпионаты илчеләренең исемнәре игълан ителде. Алар арасында үзебезнең татар кызының да булуы - икеләтә сөенеч. 
Нәфис гимнастика буенча Дөнья һәм Европа чемпионы, популяр телетапшырулар алып баручы Ләйсән Үтәшева 2018 елгы Дөнья чемпионаты илчесе булды, дип хәбәр итте «Российская газета», «Россия-2018» оештыру комитетына сылтама ясап.
Дөнья чемпионаты илчеләре итеп популяр телетапшырулар алып баручылар Яна Чурикова, Сергей Белоголовцев һәм Николай Дроздов сайлануы билгеле булды. Аларны «Россия-2018» оештыру комитеты офисында тәкъдим иттеләр.
Шулай ук Россия футбол берлеге вице-президенты Никита Симонян, Россия җыелма командасы капкачысы Игорь Акинфеев, танылган футболчы Алексей Смертин һәм пианист, Россиянең халык артисты Денис Мацуевның да ДЧ-20 илчеләре булуы ачыкланды.
Чыганак: Татар-информ http://tatar-inform.tatar/