Политтехнолог Марат Бәширов: “Бөтен регионнарда да сайлауга баручыларның саны 50 проценттан артачак, дип уйлыйм”

 
Ул бу хакта журналистларга видеоэлемтә аша  әйтте. Ә Татарстанда Конституциягә төзәтмәләр кертү буенча сайлауларга килүчеләрең саны югары булуны болай дип аңлатты:
- Татарстан һәрвакыт дөрес юлдан барды. Ул Россиянең башка төбәкләре белән чагыштырганда гел алдынгы. Халыкның яшәү рәвеше, икътисады ягыннан да. Конституциягә төзәтмәләр кертү күпмилләтле Татарстан өчен тагын да кулай. Һәр милләт Конституция нигезендә якланган булачак. Минем туганнарым Чистай районында яши. Берничә милләтнең ничек дус-тату яшәгенен алар аша да беләм.
Марат Бәширов Татарстанда Конституциягә төзәтмәләр буенча тавыш бирүчеләр 80-82 процент булыр, дип фаразлый. “Әйе” дип тавыш бирүчеләр тагын да күбрәк булыр, дип ышана. Ә тулаем Россия регионнарында сайлауга баручыларның саны 50 проценттан артачак дигән фикердә тора.
 
Руфия Фазылова
Фото: Владимир Васильев