Мәскәү янында МИ-8 вертолеты һәлакәткә очраган: 3 кеше үлгән

Вертолет - Россия гадәттән тыш хәлләр министрлыгының Жуковский авиаүзәгенеке.
Подмосковьеның Люберцы районында, Октябрьский торак пункты тирәсендә Россия Гадәттән тыш хәлләр министрлыгының Жуковский авиаүзәгенә караган МИ-8 вертолеты җимерелеп төшкән. Бу хакта ведомствоның региональ бүлеге хәбәр итә.
Экипажның 3 вәкиле һәлак.
Коткаручылар һәлакәт урынында вертолетның ике кара тартмасын инде тапкан. Авиаһәлакәт факты буенча тикшерү эшләре бара.