Мәскәүдә Татар мәдәнияте көненә әзерләнәләр
Чарада Мәскәү шәһәре Татар мәдәни үзәгенең симфоник оркестрын тәкъдим итү дә көтелә.25 февраль көнне Мәскәү пионерлар сараенда, "Минем йортым - Мәскәү" милли мәдәниятләр балалар фестивале кысаларында,...
Чарада Мәскәү шәһәре Татар мәдәни үзәгенең симфоник оркестрын тәкъдим итү дә көтелә.25 февраль көнне Мәскәү пионерлар сараенда, "Минем йортым - Мәскәү" милли мәдәниятләр балалар фестивале кысаларында, "Москва татарская" татар мәдәнияте көне узачак. Бу хакта "Татар-информ" агентлыгы хөбөрчесенә Мәскәүнең Татар милли-мәдәни автономиясеннән хәбәр иттеләр.
Чара кысаларында, шулай ук, Мәскәүнең Татар милли-мәдәни автономиясе - төбәк иҗтимагый оешмасының мактаулы президенты, генерал-полковник Рәсим Акчуринны 85 яшьлеге белән тәбрикләү көтелә. Чара кысаларында Мәскәү шәһәре Татар мәдәни үзәгенең симфоник оркестрын тәкъдим ителү дә ниятләнә.
Чарада Россия Федерациясе һәм Татарстан Республикасының атказанган артисткасы Наилә Фатехова, Россиянең атказанган артисты Илдар Шиһапов, республиканың атказанган сәнгать эшлеклесе, композитор Сәйяр Хәбибуллин, Татарстан Республикасының атказанган артисты - баян буенча дөнья чемпионы Илдар Сәлахов, баянист виртуоз Айдар Сәлахов, шагыйрә һәм прозаик, Татарстанның атказанган мәдәният хезмәткәре Нәзифә Кәримова, җырчылар Мәликә, Сөмбел Билалова һәм башкалар катнашуы көтелә. Бәйрәм концертын синхрон йөзү буенча атказанган спорт мастеры Әнисә Ольхова белән театр һәм кино актеры Байбулат Батулла алып барачак.
Автор: Гөлнар Гарифуллина.
Чыганак: "Татар-информ"
Добавить комментарий