Миңнеханов, Мөхәммәтшин, Шәймиев “Теләкләр чыршысы” янына “Дуслык” приюты өчен бүләк салды

Татарстан Президенты Рөстәм Миңнеханов “Теләкләр чыршысы” хәйрия акциясендә катнашты һәм "Дуслык” социаль приюты балаларына микроскоп җибәрәчәк.  Президенттан тыш чыршыдагы хатларны Татарстан Дәүләт Киңәшчесе Минтимер Шәймиев, Татарстан Республикасы Дәүләт Советы рәисе Фәрит Мөхәммәтшин һәм башкалар да укыды. Бу хакта Татарстан Президентының матбугат хезмәте хәбәр итә.

Минтимер Шәймиев приютка роликлар, Фәрит Мөхәммәтшин колакчалар (наушник) җибәрәчәк.

“Теләкләр чыршысы” хәйрия акциясе традицион рәвештә һәр елны Яңа ел алдыннан Татарстан Дәүләт Советында уза. Дәүләт Советы холлында урнаштырылган чыршыда Кыш бабайга балалар йортларында һәм социаль приютларда тәрбияләнүче балалар хатлары эленә.
"Татар-информ"

Фото: Рамиль Гали