«Путин» түләвен алмыйча вафат булган пенсионерга дигән акчаны аның туганнары алачак

"Татар-информ" мәгълүмат агентлыгы хәбәр итүенчә, пенсионер 2021 елда пенсионерлар өчен билгеләнгән 10 мең сум күләмендәге яңа «Путин» түләвен алырга өлгермичә вафат булган очракта, бу акчаны аның туганнары алырга мөмкин.
«Россия Федерациясе Пенсия фондының Татарстан Республикасы бүлеге 10 мең сум күләмендә бер тапкыр бирелә торган акча илебез территориясендә даими яшәүче һәм 2021 елның 31 августына кадәр пенсионер булган һәр пенсия алучыга түләнә. Әгәр пенсионер 31 августка кадәр вафат булса, үлеме сәбәпле, аңа бер тапкыр түләнә торган акчаны тапшырып булмый», — дип белдерде Россия Федерациясе Пенсия фондының Татарстан Республикасы бүлеге матбугат хезмәте.