“Рамазан Фест” фестивалендә очрашыйк!

Татарстанның танылган артистлары чыгышлары яңгыраячак төп сәхнә Г. Камал театрының иске бинасы мәйданында урын алачак. Биредә шулай ук фуд-корт оештырылачак. Кабан күле буенда исә “Опен-маркет Хәләл” узачак. Монда милли кием-салым, бизәнү әйберләре, төрле сувенирлар, тәм-томнар сатылачак. Өченче нокта – Каюм Насыйри урамындагы мәйданчыкта балалар сәхнәсе эшләячәк: малай-кызлар өчен бушлай мастер-класслар үткәреләчәк, аниматорлар һәм ходулистлар кунакларны төрле күңел ачулар белән сөендерәчәк. Һәм балаларга барлыгы 3000 “Петушок” кәнфите таратылачак, дип ышандыра оештыручылар. Фестиваль сәг. 13.00-дә башлана.