Россия экспортка хәләл продукция эшләүне арттыра

Россия Хәләл продукция аккредитациясе халыкара форумында (IHAF) катнашырга җыена. Бу хәләл продукцияне ислам илләренә җибәрү мөмкинлеген бирәчәк. Бу хакта “Эшлекле иртә”дә “Российская газета”га Росаккредитация җитәкчесе Алексей Херсонцев сөйләгән.
"Без ел ярым-ике ел дәвамында IHAF эшче органнарына керү өчен тырышачакбыз, ул безгә перспективалы илләр базарына чыгарга күпер булачак”, - дип җиткергән ул.
"Татар-информ"