Россия хөкүмәте чит илләрдәге ватандашларыбызны Татарстанга күчерү программасын раслады

Россия Премьер-министры Дмитрий Медведев чит илләрдә яшәүче ватандашларыбызның ирекле рәвештә Татарстанга күчерүдә ярдәм итү буенча программаны раслады. Бу хакта хөкүмәт сайтында хәбәр ителә.
2017-2018 елларга каралган ватандашларны күчерү программасы 300 кешегә республикага күченергә ярдәм итәчәк.
Программа мәгариф, сәламәтлек саклау, авыл хуҗалыгы, спорт, мәгълүмати-коммуникацион технологияләр һәм шушы юнәлешләр буенча укыган студентларны күчерүне күздә тота. Өстенлек актуаль фәнни һәм технологик проблемалар белән шөгыльләнүче белгечләргә һәм галимнәргә биреләчәк.
"Татар-информ"