Бүген Татарстан Президенты Рөстәм Миңнеханов Казан Кремлендә “WorldSkills Abu Dhabi-2017” 44 нче дөнья чемпионатында Татарстан катнашучыларын һәм призерларын котлады һәм лаеклы бүләкләрен тапшырды.
![Чествование Президентом Республики Татарстан Р.Н. Миннихановым членов национальной сборной от Республики Татарстан по итогам участия в соревнованиях Чемпионата мира по профессиональному мастерству WorldSkills Abu Dhabi 2017.фото Р.Кадыров.](http://tatarstan.ru/file/photoreport2/view_3224887_2545623.jpg)
“Бүген безнең очрашу өчен бик әйбәт форсат. Узган дөнья беренчелегендә Россия гомумкоманда исәбендә баллар буенча беренче, медальләр буенча бишенче урынны яулады. 11 призлы медаль һәм 22 һөнәри осталык медальоны. Бу – бик лаеклы нәтиҗә, дип саныйм”, – диде Татарстан Президенты.
![Чествование Президентом Республики Татарстан Р.Н. Миннихановым членов национальной сборной от Республики Татарстан по итогам участия в соревнованиях Чемпионата мира по профессиональному мастерству WorldSkills Abu Dhabi 2017.фото Р.Кадыров.](http://tatarstan.ru/file/photoreport2/view_3224887_2545625.jpg)
Рөстәм Миңнеханов Татарстан делегациясе җитәкчесе булып, үзенең дә бу көннәрдә Абу-Дабида эш комплексы һәм системасын өйрәнүен, Россия командасы өчен җан атуын, җиңүләргә шатлануын искә төшереп үтте.
![Чествование Президентом Республики Татарстан Р.Н. Миннихановым членов национальной сборной от Республики Татарстан по итогам участия в соревнованиях Чемпионата мира по профессиональному мастерству WorldSkills Abu Dhabi 2017.фото Р.Кадыров.](http://tatarstan.ru/file/photoreport2/view_3224887_2545639.jpg)
“Безнең Татарстан вәкилләре “Суыткыч техникалары һәм кондиционлаштыру системасы ” компетенциясендә “алтын”, “Мобиль роботтехника” компетенцисендә “көмеш” яулады. Шулай ук “CAD - инженер дизайны” компетенциясендә медальле булдык. Билгеле, бу очраклылык билгесе түгел, тырыш, ныклы хезмәт нәтиҗәсе”, – диде ул катнашучыларның остазларына, укытучыларына, халыкара экспертларга, һәм, билгеле, WorldSkills Russia берлегенә рәхмәт җиткереп.
![Чествование Президентом Республики Татарстан Р.Н. Миннихановым членов национальной сборной от Республики Татарстан по итогам участия в соревнованиях Чемпионата мира по профессиональному мастерству WorldSkills Abu Dhabi 2017.фото Р.Кадыров.](http://tatarstan.ru/file/photoreport2/view_3224887_2545719.jpg)
2019 елда 45 нче WorldSkills дөнья чемпионатында Татарстан Россияне тәкъдим итәчәк, биредә безнең катнашучылар да керәчәк, төп максат – Казанда узачак чемпионатта призлы урыннар яулау, дип билгеләп үтте Татарстан Президенты.
Чара бүләкләр тапшыру тантанасы белән төгәлләнде. Призерлар һәм аларның остазлары, экспертлар Татарстан Президенты Рәхмәтенә лаек булды.
"Татар-информ"
Фото: president.tatarstan.ru
Добавить комментарий